Charter Document - 03410123
| Charter Number: | 03410123 |
|---|---|
| Cartulary Title: | London 1229-1280 Volume 38 |
| Charter Language: | Latin |
| Charter Origin: | Religious |
| Charter Type(s): | Indulgence |
| Date: | 1262 |
| Date type: | Internal, Calendar, Episcopal |
| Resource Link(s): |
Durham Cathedral Archive - Misc.Ch.1524 |
Charter:
Universis Cristi fidelibus ad quos presens scriptum pervenerit Henricus miseracione divina London ecclesie minister humilis eternam in Domino salutem Quoniam ut ait apostolus omnes stabimus ante tribunal Iesu Cristi prout in corpore gessimus recepturi sive bonum fuerit sive malum oportet nos diem messionis extreme misericordie operibus prevenire ac eternorum intuitu seminare in terris quod reddente domino cum multiplicato fructu recolligere debeamus in celis firmam spem fiduciamque tenentes quoniam qui parce seminat parce et metet et qui seminat in benedictionibus de benedictionibus et metet vitam sempiternam nos de Dei omnipotentis misericordia et gloriose virginis Marie omniumque sanctorum meritis et intercessionibus confidentes omnibus de peccatis suis vere contritis et confessis quorum dioecesani hanc nostram indulgenciam acceptaverint qui ad ecclesiam Dunelm causa devocionis vel oracionis accesserint et ad feretrum gloriosi confessoris Cuthberti vel fabricam eiusdem ecclesie vel sustentacionem luminarium aliquid de bonis sibi Deo collatis pie contulerint vel transmiserint quadraginta dies de iniuncta sibi penitencia misericorditer relaxamus In cuius rei testimonium presentes litteras sigilli nostri fecimus communiri Datum London iii kalendas Marcii pontificatus nostri anno tercio