Charter Document - 03410118
| Charter Number: | 03410118 |
|---|---|
| Cartulary Title: | London 1229-1280 Volume 38 |
| Charter Language: | Latin |
| Charter Origin: | Religious |
| Charter Type(s): | Licence |
| Date: | 1244 |
| Date type: | Internal, Episcopal, Feast |
| Resource Link(s): |
|
Charter:
Omnibus sancte matris ecclesie filiis F miseracione divina London ecclesie minister humilis salutem in Domino Noverit universitas vestra nos de consensu capituli nostri et Rogeri de Esketot persone ecclesie de Thurtoun necnon et Ricardi de Esketot veri patroni dicte ecclesie concessisse Eadmundo filio Walteri de Walepol eiusque heredibus et suis assignatis ut in capella sua de Thurtun perpetuis temporibus celebrantur divina sumptibus nominati Eadmundi et heredum suorum vel assignatorum salva in omnibus indempnitate dicte matrice ecclesie de Thuritun Capellani autem qui in dicta capella pro tempore deservient sacramentum prestabunt de indempnitate dicte ecclesie observanda videlicet quod obvenciones decimas oblaciones seu proventus quocumque nomine censeantur ad dictam capellam ex quacumque causa provenientes rectoribus nominate ecclesie de Thuritun qui pro tempore fuerint integre et sine diminucione persolvent Quod nisi fecerint licebit memoratis rectoribus dicte ecclesie eosdem capellanos suspendere usque ad dignam satisfaccionem salva iurisdiccione ordinariorum ut ad eos cum opus fuerit possint partes habere regressum Quod si contingat dictum Eadmundum vel heredes suos vel assignatos dictum manerium de Thuritune loco religioso concedere cessabit extunc in memorata capella de Thuritun divinarum celebracio Nec licebit ipsis capellanis ipsius capelle aliquem parrochianorum de Thuritun in dicta capella de Thuritun ad aquam benedictam vel panem benedictum preterquam dictum Eadmundum et heredes ipsius et assignatos et eorum familiam domesticam admittere Dictus Eadmundus heredes assignati et eorum familia quatuor festivitatibus anni principalibus cum eos aput Thuritun interesse contigerit dictam matricem ecclesiam de Thuritun personaliter visitabunt quod ius dictaverit tamquam parrochiani facturi Dat aput Claketun in crastino sancti Nicholai pontificatus nostri anno primo