Charter Document - 03410107
| Charter Number: | 03410107 |
|---|---|
| Cartulary Title: | London 1229-1280 Volume 38 |
| Charter Language: | Latin |
| Charter Origin: | Religious |
| Charter Type(s): | Agreement, Union |
| Date: | 1244 |
| Date type: | Internal, Calendar, Episcopal |
| Resource Link(s): |
|
Charter:
F miseratione divina London episcopus omnibus presentes litteras inspecturis salutem in Domino Noveritis nos ecclesias omnium sanctorum et sancti Petri de Maudon propter earundem tenuitatem et paupertatem de assensu et voluntate abbatis et conventus de Maudon quibus dicte ecclesie in proprios usus concesse fuerant univisse et dictam ecclesiam beati Petri memorate ecclesie omnium sanctorum iunxisse ipsamque ecclesiam Omnium Sanctorum matricem ecclesiam constituisse Eandem etiam ecclesiam sic unitam magistro Andree de Feroby sacerdoti hac vice auctoritate Lateran concilii contulimus prefatum sacerdotem ibi vicarium perpetuum instituentes salvo iure dictorum abbatis et conventus presentandi vicarium inposterum ad predictam ecclesiam sic unitam cum ipsam vicariam vacare contigerit Ordinamus etiam predictam vicariam et de assensu predictorum abbatis et conventus eam taxavimus sub hac forma videlicet quod predictus vicarius et successores sui percipient omnes obventiones et oblationes provenientes predictis ecclesiis iam unitis cum omnibus pertinentiis tam minoribus decimis quam in omnibus aliis rebus ad easdem spectantibus decimis garbarum utriusque exceptis Quas quidem decimas garbarum dicti abbas et conventus percipient nomine personatus et reddent vicario et eius successoribus annuatim tres marcas argenti duobus terminis scilicet ad Pascham xx solidos et ad festum sancti Michaelis xx solidos Dictus vero vicarius et eius successores debent sustinere omnia honera ecclesiarum debita et consueta procurationibus episcopi et archidiaconis exceptis de quibus si forte petantur dicti abbas et conventus satisfacere tenentur Et dictus vicarius et eius successores solvent annuatim imperpetuum dicto abbati et conventui nomine personatus dimidiam marcam argenti duobus terminis videlicet ad Pascham et ad festum sancti Michaelis Dictus vero abbas et conventus domos quas Galfridus capellanus aliquando tenuit de eisdem dicte vicarie imperpetuum appropriaverint et easdem competentes et sufficientes semel fabricabunt liberas et immunes ab omni servitio constituentes Ut autem hec ordinatio et taxatio robur perpetue firmitatis optineant presens scriptum tam sigillo nostro quam dictorum abbatis et conventus dignum duximus communire Act apud Wykham xiii kalend Decembris consecrationis nostre anno primo