Charter Document - 03410101

Charter Document - 03410101


Charter Number: 03410101
Cartulary Title: London 1229-1280 Volume 38
Charter Language: Latin
Charter Origin: Religious
Charter Type(s): Ordination
Date: 1248
Date type: Internal, Calendar, Episcopal
Resource Link(s):

Charter:

Universis presens scriptum visuris vel audituris Fulco miseracione divina Londonien episcopus salutem in Domino Noveritis nos de voluntate et assensu capituli nostri taliter ordinasse de decimis ecclesie de Essildeham estimatis ad decem marcas excepta porcione vicarii in eadem ecclesia perpetuo ministraturi item de decimis de assartis comitise Cantie in parochia de Estwode item de decimis de dominico Petri de Marevill in parochia de Pebbenesselt de decimis de dominico Gileberti filii Henrici in parochia de Haltstede item de quibusdam decimis in Parva Wendene quarum omnium estimacio est sexaginta solidorum Videlicet quod capellanus pro anima nostra parentum antecessorum et successorum nostrorum perpetuo ministraturus in ecclesia beati Pauli Lond recipiet de predictis decimis septem marcas per annum ad sui sustentacionem quam per successores nostros volumus ibidem ordinari et sede vacante per decanum et capitulum qui eis subsit ut officium pro defunctis fideliter celebretur De residuis autem proventibus volumus quod viginti solidi in anniversario die obitus nostri maioribus canonicis officio presentibus distribuantur et reliquiis clericis chori viginti solidi simili modo presentibus distribuantur et in usus pauperum per manus elemosinarii viginti solidi predicto die distribuantur et per visum decani et capituli in luminaribus necessariis ubi capellanus supradictus celebrabit viginti solidi expendantur et ad fabricam ecclesie beati Pauli eodem die viginti solidi reservata nobis potestate dum vixerimus ordinandi in melius factum prenotatum si pinguiores nobis fortune per quesitorum accrescant Datum apud Orsethe sexto kalendas Aprilis consecracionis nostre anno quarto