Charter Document - 03410093
| Charter Number: | 03410093 |
|---|---|
| Cartulary Title: | London 1229-1280 Volume 38 |
| Charter Language: | Latin |
| Charter Origin: | Religious |
| Charter Type(s): | Licence |
| Date: | 1246 |
| Date type: | Internal, Episcopal, Calendar |
| Resource Link(s): |
|
Charter:
Universis Cristi fidelibus presens scriptum visuris vel audituris Fulco miseratione divina London episcopus salutem in domino sempiternam Noverit universitas vestra quod nos de consensu et voluntate Briani rectoris ecclesie de Lamersh et Iohannis de Sulbur et Matildis de Wascuil compatronorum dicte ecclesie de Lamersh concessisse nobili viro domino Radulfo de Arden militi et Aline de Beauchamp uxori eisudem Radulfi et heredibus ipsius Aline quod possint in curia sua de Lamersh capellam construere et ibidem perpetuum capellanum habere qui pro voluntate dictorum Radulfi Aline et heredum ipsius Aline divina celebret in eadem sumptibus dictorum Radulfi Aline et heredum ipsius Aline salva in omnibus indempnitate matricis ecclesie de Lamersh Capellani autem qui in dicta capella pro tempore derserviant sacramentum prestabunt rectori dicte ecclesie de Lamersh de indempnitate prefate ecclesie de Lamersh observanda videlicet quod omnes oblationes quocumque nomine censeantur ad dictam capellam ex quacumque causa provenientes rectoribus dicte matricis ecclesie integre et sine diminutione persolvent quoniam nisi fecerint licebit memoratis rectoribus dicte matricis ecclesie eosdem capellanos suspendere usque ad dignam satisfactionem Si autem contingat quod rectores dicte ecclesie dictos capellanos iniuriose gravare aut suspendere voluerint apellatione facta ad ordinarium loci licebit dictis capellanis quousque ius declaratum fuerit divina celebrare Et si contingat dictos Radulfum et Alinam vel heredes ipsius Aline manerium suum de Lamersh loco religioso concedere extunc cessabit in memorata capella divinorum celebratio nec licebit capellano qui pro tempore ministrabit in dicta capella aliquem parochianorum dicte matricis ecclesie ad panem benedictionem vel aquam benedictionem admittere nisi dictos Radulfum Alinam et heredes ipsius Aline et eorum familiam Dat apud Copford decimo kal Octobris anno consecrationis nostre secundo