Charter Document - 03410092
| Charter Number: | 03410092 |
|---|---|
| Cartulary Title: | London 1229-1280 Volume 38 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1246 |
| Date type: | Internal, Calendar, Episcopal |
| Resource Link(s): |
|
Charter:
F[ulke] miseratione divina London episcopus dilecto in Cristo filio decano de Hengham salutem gratiam et benedictionem Noverit discretio tua quod cum Ricardus Giffard rector ecclesie de Stebbyng de assensu et voluntate prioris et fratrum hospitalis Ierusalem in Anglie patronum eiusdem ecclesie de Stebyng presentasset Innocentium diaconum ad vicariam predicte ecclesie de Stebbyng de novo creatam perpetuum vicarium ibidem instituendum tibi mandamus quatinus dictum Innocentium diaconum in corporalem possessionem nomine institutionis inducas Iuravit etiam dictus vicarius tactis sacrosanctis evangeliis quod faciet continuam residentiam in predicta ecclesia et ad proximos ordines in presbiterum se faciet promoveri nisi de licentia nostra secus processerit Datum apud Copford iii nonas Maii consecrationis nostre anno ii