Charter Document - 03410084
| Charter Number: | 03410084 |
|---|---|
| Cartulary Title: | London 1229-1280 Volume 38 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1255 |
| Date type: | Internal, Feast, A.D. |
| Resource Link(s): |
|
Charter:
Excellentissimo domino suo H dei gratia illustri regi Angl domino Hybern duci Normann Aquit et comiti Andeg F eiusdem miseracione London episcopus salutem in eo per quem reges regnant et qui regibus dat salutem Excellentie vestre duximus significandum quod Bartholomeus de Hadestok Iohannes de la Walle clericus Ricardus Trenchewent Warin del Slo de Magna Waltham et Alicia concubine Hamonis de Belonia nostre diocesis ob eorum manifestam contumaciam sentencia excommunicationis meruerunt innodari in qua per xl dies et amplius indurato animo perseverantes adhuc incorrigibilis existunt claves ecclesie contempnendo Hinc est quod regie celsitudini vestre duximus supplicandum quatinus ipsos ad satisfaciendum Deo et ecclesie regia potestate secundum regni vestri consuetudinem compellere velitis Conservet altissimus excellenciam vestram et incolumitatem regiam per tempora longiora Dat London die sancti Georgii anno domini MCCL quinto