Charter Document - 03410064
| Charter Number: | 03410064 |
|---|---|
| Cartulary Title: | London 1229-1280 Volume 38 |
| Charter Language: | Latin |
| Charter Origin: | Religious |
| Charter Type(s): | Indulgence |
| Date: | 1247 |
| Date type: | Internal, A.D., Calendar |
| Resource Link(s): |
|
Charter:
Fulco dei miseratione London ecclesie minister humilis omnibus sancte matris ecclesie filiis salutem gratiam et benedictionem Cum temporibus nostris in quos fines secularium devenerunt iuxta verbum Domini abundet iniquitas et multorum refrigescat caritas sicut coartanda est iniquitas in operibus nequitie compensationis penalis salubri gravamine sic accendenda est caritas in operibus misericordie sarcine penalis soliti levamini Inde est quod nos de sancte Trinitatis misericordia et gloriose virginis matris dei et omnium sanctorum meritis confisi omnibus parochianis nostris et etiam aliis quorum dioecesani id ratum habuerint si de peccatis suis vere contriti fuerint et confessi qui ecclesiam Cycestr in festis tribus scilicet Pentecosten sancte Trinitatis sancte Fidis seu eorum octavis in ea que decet beneficii veneratione et devote visitaverint de iniuncta sibi penitentia quadraginta dies misericorditer relaxamus Et ipsos orationum ac beneficiorum que in nostra fiunt ecclesia cathedrali et omnibus aliis in nostra orationum ac beneficiorum que in nostra fiunt ecclesia cathedrali et omnibus aliis in nostra dioecesi constitutis perpetuo participes esse concedimus Similem relaxationem et indulgentiam concedimus illis qui eiusdem ecclesie fabrice necessitatibus de bonis sibi a deo collatis gratis subveniunt elemosinis Datum anno domini MCC quadragesimo septimo decimo kalendas Iunii