Charter Document - 03410051
| Charter Number: | 03410051 |
|---|---|
| Cartulary Title: | London 1229-1280 Volume 38 |
| Charter Language: | Latin |
| Charter Origin: | Religious |
| Charter Type(s): | Letter |
| Date: | 1244 |
| Date type: | Internal, A.D. |
| Resource Link(s): |
|
Charter:
Viris venerabilibus et amicis in Cristo karissimis dominis R priori et capitulo ecclesie Cristi Cantuar F miseratione divina Londoniens electus salutem eternam in Domino Cum iura sancte Cantuar ecclesie pariter et honores vestros karitate scincera et affectione pleniori diligamus eadem parati vobiscum et eadem sine vobis quantum poterimus cum iusticia tueri petimus obnixe quatinus salvis vobis omni iure consuetudine et possessione vestris que vobis vendicatis in consecrationibus suffraganeorum Cantuar ecclesie in ecclesia vestra metropoli faciendis favorabiliter nobis concedere velitis ut in ecclesia nostra London beneficium consecracionis nobis recipere liceat maxime cum consecratores facilius et comodius ad dictum locum quam alias hiis diebus possint convenire et super premissis si volueritis vobis literatoriam exponemus cautionem Dat apud Fuleham anno domini MCCXLIIII mense Iunii veteri autem sigillo nostro nondum mutato illud presentibus literis fecimus apponi