Charter Document - 03410047

Omnibus sancte matris ecclesie filiis ad quos presens scriptum pervenerit Rogerus dei gratia London episcopus salutem et benedictionem Cum contentio orta fuisset multo tempore inter abbatem et conventum Westm ex una parte et parrochianos ecclesie sancti Iacobi London ex altera super iure advocationis et presentationis ad eandem ecclesiam tandem inter eos sic quievit videlicet quod universi parrochiani predicti pro se et heredibus suis concesserunt remisserunt et quietum clamaverunt dicto abbati et conventui et ecclesie Westm imperpetuum totum ius et clamium quod habebant vel habere poterant in advocatione [vel] presentatione dicte ecclesie sancti Iacobi renuntiantes omni actioni quam versus dictos abbatem et conventum vel eorum successores ratione advocationis vel presentationis ad dictam ecclesiam possent instituere in foro ecclesiastico vel civili ita quod dicti abbas et conventus et successores eorum quotiens cumque dicta ecclesia vacaverit tenentur presentare ad illam ecclesiam ydoneam personam et non aliam quam in sacerdotali ordine constitutam qui etiam in propria persona velit eidem sufficienter deservire ad quod faciendum dicti abbas et conventus se absolute et sollempniter presenti scripto obligarunt renuntiantes omni iuris remedio quod predictam obligationem aliquo tempore possit infirmare vel etiam impedire Ut igitur hec utriusque partis compositio perpetua stabilitate firmetur ad utriusque partis instantiam hoc scriptum in modum cyrographi est confectum cuius parti que remansit penes dictos abbatem et conventum apponi fecimus sigillum nostrum una cum sigillo communi dictorum parrochianorum et parti que remansit penes dictos parrochianos apponi fecimus sigillum nostrum una cum sigillo capituli dicti conventus Hiis testibus []