Charter Document - 03410041
| Charter Number: | 03410041 |
|---|---|
| Cartulary Title: | London 1229-1280 Volume 38 |
| Charter Language: | Latin |
| Charter Origin: | Religious |
| Charter Type(s): | Admission, Institution |
| Date: | 1239 |
| Date type: | Internal, Calendar, Episcopal |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Rogerus miseratione divina London ecclesie minister humilis salutem in Domino sempiternam Noverit universitas vestra nos ad presentationem dilectorum nobis in Cristo filiorum abbatis et conventus de Waleden Ricardum de Berden capellanum ad vicariam ecclesie de Chishull Magna admisisse ipsumque in eadem vicaria canonice instituisse Percipiet autem in nomine vicarie omnes decimas minores cum decimis feni et molendinorum omnes decimas maiores de dominico Ade Rumbald item quatuor summas frumenti quatuor summas ordei et quatuor summas avene de horeo monachorum Preterea mesuagium et croftam que fuerunt quondam Radulphi clerici de Chishell Idem autem vicarius omnia onera dicte ecclesie consueta et debita sustinebit In cuius rei testimonium presenti scripto signum nostrum fecimus apponi Hiis testibus magistro Iohanne de Norton precentore London magistro Willelmo de Wthditon domino Iohanne capellano Hugone decano de Neuport Henrico de Plesseto Waltero de Brich clericis et aliis Dat apud Lutleber quarto idus Maii consecrationis nostre anno decimo