Charter Document - 03410040

Charter Document - 03410040


Charter Number: 03410040
Cartulary Title: London 1229-1280 Volume 38
Charter Language: Latin
Charter Origin: Religious
Charter Type(s): Confirmation
Date: 1236
Date type: Internal, Calendar, Episcopal
Resource Link(s):

Charter:

Universis Cristi fidelibus presens scriptum visuris vel audituris Rogerus dei gratia London episcopus salutem in domino sempiternam Cum inter karissimos in Cristo filios Galfridum decanum et capitulum ecclesie sancti Pauli London et Rogerum abbatem et conventum ecclesie beati Iacobi de Waleden in presentia nostra contentio quedam fuisset suborta super ecclesiis de Elsenham Heyden Gedeleston Rikeling et Norhale abbate et conventu petentibus ecclesias prefatas in usus proprios sibi concedi et confirmari utpote assignatas eis a suis fundatoribus de consensu London ecclesie et episcoporum qui a tempore fundationis ipsius monasterii prefuerunt ecclesie London decano et capitulo nobiscum eis resistentibus in premissis nos ipsorum paci providere cupientes imposterum ordinationem totius negotii dilectis filiis in Cristo Petro London et Roberto Midelsex archidiaconis et Henrico cancellario London de consensu partium et voluntate commisimus ut si omnes interesse non possent quod duo ex ipsis ordinarent servandum perpetue robur habeat firmitatis E quibus duo scilicet Petrus archidiaconus et Henricus cancellarius cum tertium abesse contingeret ordinarunt in hunc modum Omnibus Cristi fidelibus presentes litteras inspecturis magister Petrus de Neuport archidiaconus et Henricus cancellarius London eternam in Domino salutem Cum venerabilis nostri Rogerus abbas et conventus sancti Iacobi de Waleden qui ecclesias de Elsenham Heyden Rikklyng Gedeleston et Norhale suis usibus a sui fundatione deputatas asserebant et concessas et Galfridus decanus et capitulum sancti Pauli London qui in premissis resistebant eisdem ordinationi nostre se per omnia comisissent venerabili patre domino Rogero London episcopo assenssum prebente Nos invocata Spiritus Sancti gratia ad honorem ecclesiarum London et de Walden et predictorum episcoporum decani et capituli abbatis et sui conventus de premissis sic duximus ordinandum videlicet quod ecclesia de Gedeleston que in terminis est de Hadham in ordinatione et potestate domini Rogeri et successorum suorum London episcoporum ut patronorum pleno iure remaneat imperpetuum in qua si eam vacare contingat sede London vacante per decanum et capitulum sancti Pauli vice episcopi idonea persona ordinetur in ecclesia autem de Norhale per eundem episcopum et suos successores de eorum provisione tantum vicarius instituatur perpetuus successive qui fabrice ecclesie sancti Pauli de duodecim marcis annuis respondeat pro decimis ecclesie prefate per manus custodium eiusdem fabrice que vicaria si forte vacaverit sede London vacante per decanum et capitulum vice episcopi ordinetur De ecclesia autem de Elsenham sic ordinamus ut salva vicaria dudum taxata in eadem et salvis ipsi vicario domibus suis quas edificavit in solo ecclesie totum residuum cum domibus persone et aliis ad ecclesiam ipsam pertinentibus cedat in usus hospitum qui in abbatia de Waleden fuerint perpetuo caritative recepti Ad eandem autem vicariam dicti abbas et conventus idoneam personam presentabunt De ecclesia vero de Heyden sic ordinamus ut ydonea persona per abbatem et conventum presentetur ad eandem qui de sex marcis annuis ad luminare ecclesie beati Iacobi de Waleden in duobus anni terminis respondeat De ecclesia quoque de Rikeling sic ordinamus ut vicarius perpetuus per episcopum London suosque successores ordinetur qui eam integraliter possideat reddendo decem et octo marcas annuas in duobus anni terminos ad luminare ecclesie beati Pauli et vestimenta eiusdem sarcienda que vicaria si vacaverit aliquando sede vacante per predictos decanum et capitulum sancti Pauli ordinetur Ordinamus insuper ut singuli vicarii singularum ecclesiarum onera ipsarum debita portent et consueta Et quia ordinationi premissorum interesse non potuit dominus Robertus archidiaconus Midelsex agens in transmarinis qui nobis associatus fuit ab initio de consensu predictorum episcopi decani et capituli abbatis et conventus nos duo in ordinatione processimus eo quod duorum provisioni partes consenserant si omnes non possent interesse In cuius rei testimonium scripturam presentem sigillis nostris dedimus partibus comunitam Nos igitur discretionem ipsorum sequentes et fidem quod laudabiliter providerunt prout continetur in premissis ratum habentes et gratum provisionem ipsam perpetuo valituram autoritate pontificali et presentium testimonio confirmamus Hiis testibus Galfrido de Lucy decano et Henrico cancellario sancti Pauli Lond magistris W de Lych et Iohanne de Norton eiusdem loci canonicis magistro Willemo de Lodnes fratre Henrici canonici capellano domini episcopi magistro Ricardo persona de Hadham Michaele de Wenden senescallo episcopi Thoma et Henrico clericis episcopi domino Bartholomeo rectore ecclesie de Rikeling dominis Roberto et Ricardo capellanis decani et cancellarii sancti Pauli London Petro de Dunelmo et Bartholomeo de Waxtunesham clericis cancellarii sancti Pauli London et abbatis de Waleden et aliis Dat apud Hadham xv kal Augusti pontificatus nostri anno octavo