Charter Document - 03410024
| Charter Number: | 03410024 |
|---|---|
| Cartulary Title: | London 1229-1280 Volume 38 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1229 - 1232 |
| Date type: | Assigned |
| Resource Link(s): |
|
Charter:
Omnibus Cristi fidelibus Rogerus miseracione divina London ecclesie minister humilis eternam in Domino salutem Pia vota petencium affectu paterno prosequi cupientes et iuvare eis precipuum volumus inpendere favorem et adhibere robur firmitatis que in usus ecclesie et ecclesiasticorum virorum pia novimus devocione conferri Proinde precibus karissimi nobis in Cristo Henrici de Cornhell cancellarii ecclesie nostre London inclinati aream et domos suas quas in atrio ecclesie prefate ad australem partem noscitur possidere successoribus suis qui pro tempore nomen et officium cancellarii optinebunt ibidem perpetuo possidendas de consensu et voluntate dilectorum filiorum Galfridi decani et capituli sancti Pauli concedimus et confirmamus ita quidem quod quicumque successor ipsius possidet easdem reddet singulis annis in anniversario die obitus ipsius Henrici unam marcham ecclesie beati Pauli de qua camerarius capituli dimidiam marcam distribuet fratribus qui officio pro defunctis intererunt in ecclesia die prefato et reliquis clericis chori dimidiam marcam simili modo distribuendam Quod si forte idem Henricus ad aliud officium in eadem ecclesia vel alia aliquo tempore fuerit assumptus dum tamen prebendam in ecclesia beati Pauli retineat volumus ipsum possessione et commoditate sui hospicii pacifice dum vixerit gaudere nisi per nos vel nostros successores de hospicio proprio eque competenti in eiusdem ecclesie atrio ad voluntatem ipsius provideatur provisione et ordinatione prefata nichilominus post obitum suum valitura In cuius rei testimonium presentem cartam sigillo nostro simul cum sigillo capituli communimus Hiis testibus Galfrido de Lucy decano sancti Pauli magistro Willelmo de sancte Marie ecclesia Willelmo de Purley Thoma de Storteford Alexandro archidiacono Salopesbir Mauricio de Herlaue Willelmo filio Roberti Iohanne Belesmayns Cyntio magistro Willelmo de Lichesfeldia canonicis sancti Pauli et aliis