Charter Document - 03410016
| Charter Number: | 03410016 |
|---|---|
| Cartulary Title: | London 1229-1280 Volume 38 |
| Charter Language: | Latin |
| Charter Origin: | Religious |
| Charter Type(s): | Grant, Ordination |
| Date: | 1229 - 1241 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens scriptum pervenerint Rogerus miseratione divina London ecclesie minister humilis salutem sempiternam in domino Noverit universitas vestra quod cum Radulphus Garnon miles patronus ecclesie de Magna Birche dilectis in Cristo filiis priori et canonicis de Lega dictam ecclesiam quantum ad ipsam pertinebat contulisset et iidem canonici ordinationem dicte ecclesie nobis commississent Nos de eadem ordinamus in hunc modum videlicet quod medietas totius terre ad ipsam ecclesiam pertinens cum manso et domibus simul et decime garbarum totius parochie cedant in proprios usus dictorum canonicorum exceptis decimis garbarum de dominicis Agnetis de Plaine Willelmi filii Willelmi Willelmi filii Petri et Ricardi de Bonone cum eorum homagiis que decime excepte cum proventibus aliis omnibus ad dictam ecclesiam pertinentibus cedent in vicarii portionem Si autem dictam vicariam vacare contigerit dicti canonici personam ydoneam ab episcopo nominandam ad dictam vicariam ipsi qui pro tempore fuerit presentabunt que cum fuerit instituta episcopus presente prefato priore corporale prestabit sacramentum quod predictis priori et canonicis nullum dampnum vel lesionem fraudulenter inferret quatinus contigerit ipsis in proventibus ecclesie memorate secundum Idem etiam vicarius omnia onera dicte ecclesie consueta et debita sustinebit In cuius rei testimonium presenti scripto sigillum nostrum apponi fecimus Hiis testibus magistro Willelmo de Loden magistro I de Norton []