Charter Document - 03410008
| Charter Number: | 03410008 |
|---|---|
| Cartulary Title: | London 1229-1280 Volume 38 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1237 |
| Date type: | Internal, A.D., Feast |
| Resource Link(s): |
|
Charter:
Omnibus Cristi fidelibus Rogerus dei gratia Lond episcopus salutem in Domino Cum ex iniuncto nobis cure pastoralis officio teneamur singulos nostre iurisdictioni subiectos maximeque viros religiosos paterna caritate diligere et eorum immunitatibus providere illos quadam speciali affectione promovere debemus quorum fama hylarior et religio circa Dei cultum certis documentis noscitur esse ferventior Hinc est quod nos dilectorum in Cristo filiorum abbatis et monachorum sancti Iohannis Colecestr honestatem et religionem attendentes necnon et ipsius domus que cunctis passim petentibus patet largifluam hospitalitatem ad ipsius domus abundantiorem sustentationem totam ecclesiam de Berqueya cum decimis et obventionibus et terris et domibus et omnibus aliis pertinentiis in usus proprios convertendam inperpetuum possidendam dictis abbati et monachis concedimus et episcopali auctoritate confirmamus salva vicaria viginti marcarum in eadem et salvo manso per magistrum Willelmum de Lichfeld vicarie iam assignato Preterea concedimus dictis abbati et monachis et nostra episcopali auctoritate confirmamus inperpetuum tresdecim marcas de ecclesia de Ardlega per manum archidiaconi Colecestr qui pro tempore fuerit annuatim percipiendas ad duos terminos scilicet ad festum sancti Michaelis vi marcas et dimidiam et ad Pascha sex marcas et dimidiam cum iure perpetuo remanente penes dictos abbatem et monachos presentandi quos elegerint ad vicariam iamdictam de Berqueya et ad vicariam ecclesie de Ardlege que taxanda est ad valentiam decem marcarum Ipsi autem vicarii omnia onera episcopalia in se suscipient sustinenda Ne igitur hec nostra concessio et confirmatio possit temporis diuturnitate obfuscari presentis pagine subscriptione et sigilli nostri patrocinio eandem communire curavimus Hiis testibus domino Galfrido decano sancti Pauli Lond magistro P archidiacono Lond magistro Iohanne precentore nostro domino Henrico capellano nostro Henrico et Waltero clericis nostris et Iohanne et Michaele senescallis nostris et aliis Act Lond anno gratie MCCXXXVII in crastino sancte Lucie