Charter Document - 03410007

Omnibus Cristi fidelibus Rogerus dei gratia Lond episcopus salutem in Domino Ex oblatis nobis venerabilium fratrum nostrorum ac predecessorum pie memorie Gileberti Ricardi et Willelmi quondam London episcoporum scriptis auctenticis perpendimus evidenter ipsos predecessores nostros dilectis in Cristo filiis abbati et monachis sancti Iohannis Col ecclesias sancti Egidii Colecestr et de Mundona cum omnibus earum pertinentiis ad eorum domus habundantiorem sustentationem in proprios usus convertendas in perpetuum concessisse et confirmasse salva vicaria in ecclesia de Mundon et salva competenti sustentatione capellani in ecclesia sancti Egidii pro tempore ministrantis cum omnibus etiam pensionibus et decimis dictis abbati et monachis per instrumenta ipsorum predecessorum nostrorum concessis et confirmatis Que omnia in scripto isto propriis duximus exprimenda vocabulis in primis de ecclesia de Grenestede pensionem sex solidorum de ecclesia de Estonilanda pensionem dimidii marce de ecclesia de Heth pensionem quinque solidorum de ecclesia de Thuritun pensionem trium solidorum de ecclesia de Neuuechirche in London pensionem xxiiii solidorum de ecclesia sancti Stephani de Walebrok in London pensionem decem solidorum de ecclesia de Piches pensionem unius marce Consequenter etiam annectimus de decimis sic de dominico de Brichling duas partes decimarum cum capella in eorum territorio sita de dominico de Wileya ii partes decimarum de dominico de Estoniland duas partes decimarum de dominico de Grenestede omnes decimas et de dominico Walteri de Haia in Dikeleya duas partes decimarum et de dominico eiusdem in Merseya duas partes decimarum de dominico Rogeri de Viliers in Suthfleth omnes decimas de dominico castelli Colcestr omnes decimas cum capella castelli eiusdem et cum capella sancte Helene de Col et earum pertinentiis totam decimam molendini de Middelmelne de Boytune duas partes decimarum dominii de Takeleya duas partes decimarum dominii quod fuit Willelmi de Hauuill de Adgareslawe omnes decimas dominii preter tres travas frumenti et tres travas avene et preter unum porcellum et unum agnum que debentur more solito ecclesie parochiali duas partes decimarum dominii de Piches cum capella in eorum territorio sita item in Takeleya capellam in eorum territorio sitam item in Adgareslawe capellam in eorum territorio sitam de dominico de Hornigdon Everardi omnes decimas in Leg duas partes decimarum dominii et decimas quas habent in aliis duabus Legris totam decimam padnagii parcorum Eudonis dapiferi et nemorum et virgultorum et molendinorum eiusdem Eudonis de Waldena decimas molendinorum et lane de Stanewya et de Lexeden et Hallingebir duas partes decimarum de Sabrichteswrde tertiam partem decimarum de dominicis Galfridi de Sai Warini filii Geroldi abbatis sancti Eadmundi Michaelis filii Henrici de Gren Warini filii Walteri filii Helye et Ailwardi camerarii tam in minutis decimis quam in garbis et totam decimam molendinorum que quidem omnia antiquitus fuerunt unum dominicum de Roinges Morel totam decimam dominii Radulfi Morel et duas partes decimarum dominii Walteri de Merc in eadem Roing de Wautham tertiam patem decimarum dominii de Witham duas partes decimarum dominii totam decimam padnagii Eudonis dapiferi et pullorum equarum eius in Roinges abbatisse totam decimam dominii Fulconis dapiferi de Dunmawe totam decimam dominii Radulfi de Bermers de Chalvedone totam decimam dominii de Legra in Steple decimas quas habent de dominico Luce de Brockesheved in parochia de Geldham totam decimam de dominio Guncelini preter tres acras unam frumenti et aliam avene debitas ecclesie de Geldham et tertiam acram dimidiam frumenti dimidiam avene debitam ecclesie de Topesfeld item Hermitagium in Writele cum capella et terris et decimis et omnibus pertinentiis suis quod heremitagium vocatur Bedemannesberga item ecclesiam sancte Marie Magdalene de Colcestr cum suis libertatibus Nos igitur eorundem predecessorum nostrorum factum pium et laudabile plurimum in Domino commendantes eorumque vestigiis inherentes concessionem eorum et factum super predictis ecclesiis pensionibus et decimis rata habemus et grata et omnia predicta dictis abbati et monachis inperpetuum possidenda concedimus et confirmamus Preterea concedimus eis ad eorum domus uberiorem sustentationem in usus proprios inperpetuum convertendas omnes decimas subscriptas et eis eadem episcopali auctoritate confirmamus videlicet duas partes decimarum de dominico Hugonis de Boxstede totam decimam dominii de Westdonilanda capellam de Parco in Lexeden cum tota decima padnagii et herbagii et duas partes decimarum feni omnium pratorum Eudonis dapiferi in Stanweia et Lexeden et Hallingebir duas partes decimarum de dominio Stephani le Bloy in Bumstede in Stanweya duas partes decimarum garbarum et herbagii de dominio Willelmi de Havilla in Peltendone duas partes decimarum de terra Alardi item advocationem ecclesie sancti Nicholai in Colecestr item omnes decimas molendinorum et virgultorum et ortorum et nemorum et pratorum suorum propriorum in Colecestr in Dunlandis in Grenestede in Wileya in Brichling in Mundon in Piches in Takel in Adgareslawe et totam decimam molendinorum de Stokesmelne et Northmilne et de Lexed Ut igitur concessiones et confirmationes tam predictorum predecessorum nostrorum quam nostre perpetuum robur optineant firmitatis et stabiles inperpetuum perseverent presens scriptum sigilli nostri munimine duximus roborandum Hiis testibus domino Galfrido decano sancti Pauli magistris Petro archidiacono Lond Iohanne precentore nostro Willelmo de sancte Marie Ecclesia Willelmo de Lichefeld Iohanne de Belemeins Hugone de Sancto Eadmundo Willelmo de Lodenes Ricardo de Wendovere Willelmo filio Roberti Willelmo de Weleburne canonicis sancti Pauli domino Henrico et Waltero clericis nostris et aliis Act Lond anno gratie MCCXXXVII in crastino sancte Lucie