Charter Document - 03410006
| Charter Number: | 03410006 |
|---|---|
| Cartulary Title: | London 1229-1280 Volume 38 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1237 |
| Date type: | Internal, A.D., Feast |
| Resource Link(s): |
|
Charter:
Omnibus Cristi fidelibus Rogerus dei gratia Londoniensis episcopus salutem in domino Cum dilecti nobis in Cristo filii Adam divina permissione abbas Colecestrie eiusdemque loci conventus ordinacioni venerabilium virorum Galfridi decani sancti Pauli Londonie et Petri archidiaconi Londonie et magistri Willelmi de sancte Marie Ecclesia et magistri Hugonis de Sancto Edmundo de Bereweya et de Takeleya de Brithlingeleye de Wyleye et de Erdelye ecclesias et ius patronatus medietatis ecclesie de Bocstede commisissent idem ordinatores deum per oculis habentes et ecclesiarum beati Pauli Londonie et sancti Iohannis Colecestrie necnon et ecclesiarum predictarum honestatem et utilitatem attendentes secundum quod in instrumento ab eisdem confecto et eorum sigillis consignato continetur de eisdem ecclesiis ordinaverunt quorum quidem ordinationem rite et provide et canonice factam fuisse considerantes eandem per consensum nostrum quantum ad episcopalem attinet auctoritatem confirmavimus et sigilli nostri appositione roboravimus Hiis testibus magistro Iohanne precentore nostro magistro Willelmo de Lychefeld magistro Willelmo de Lodnes canonicis nostris domino Henrico capellano nostro Henrico et Waltero clericis nostris Iohanne et Michaele senescallis nostris et aliis Actum Londonie anno gratie MCCXXXVII in crastino sancte Lucie