Charter Document - 03410005
| Charter Number: | 03410005 |
|---|---|
| Cartulary Title: | London 1229-1280 Volume 38 |
| Charter Language: | Latin |
| Charter Origin: | Religious |
| Charter Type(s): | Admission, Institution, Assessment |
| Date: | 1234 - 1237 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Rogerus divina permissione Lond ecclesie minister humilis salutem in Domino Noverit universitas vestra nos Mauricium de Lond capellanum ad vicariam ecclesie de Berqueya admisisse ipsumque vicarium in eadem canonice instituisse Percipiet autem nomine vicarie totum altaragium cum decimis feni totius parochie de Berqueya exceptis pratis dominicis monachorum Colecestr Possidebit etiam decem acras terre videlicet in crofta que appellatur Bedewellecrote tres acras una roda minus et in campo qui vocatur Dudindelle sex acras et in campo qui vocatur Ressemad unam acram et unam rodam Item percipiet dictus vicarius omnes decimas molendinorum totius parochie de Berqueia et omnia honera dicte ecclesie consueta et debita sustinebit In cuius rei testimonium presenti scripto signum nostrum fecimus apponi Hiis testibus domino G decano dominis P archidiacono Lond H cancellario magistro I de Norton et magistro H de santo Eadmundo canonicis sancti Pauli Lond magistro Willelmo de Wyditun rectore ecclesie de Walda Henrico Thoma et Iohanne de Chilbauton clericis et aliis