Charter Document - 03409270
| Charter Number: | 03409270 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1254 |
| Date type: | Internal, Calendar, Papal |
| Resource Link(s): |
Reference Document for this Embedded Document |
Charter:
Innocentius episcopus servus servorum dei dilectis [] priori et conventui cathedralis ecclesie Wynton ordinis sancti Benedicti salutem et apostolicam benedictionem Ut pulchra et decora filia Ierusalem fidelibus et terribilis infidelibus appareat ut castorum acies ordinata ecclesia variis insignitur titulis dignitatum per quas tamquam ornata monilibus et circumamicta varietate illustrium virtutum exhibet maiestatem et quod tandem iure habebit in spe gerere se ostendens veritatem indicat per figuram Quare sedes apostolica mater ecclesiarum omnium et magistra ecclesias alias tamquam adolescentulas suas honor[um] insignibus libenter adornat pro meritis singulorum sperans ut ornate tanto se immaculatas diligentius studeant conservare quanto propencius tenetur diligere decus proprium et decorem Ea propter dilecti in domino filii vestris supplicationibus inclinati tibi filii [] priori et successoribus tuis inperpetuum utendi anulo mitra et baculo pastorali tunica dalmatica cirotecis et sandalibus benedicendique calices et pallas altaris et alia ornamenta ecclesiastica dandique benedictionem corone ac duos minores ordines hostiar[iatum] videlicet et lecto ratum ac benedictionem solemnem in divinis officiis et in mensa plenam concedimus auctoritate presentium facultatem Nulli ergo omnino hominum liceat hanc paginam nostre concessionis infringere vel ei ausu temerario contraire Si quis autem hoc attemptare presumpserit indignationem omnipotentis dei et beatorum Petri et Pauli apostolorum eius se noverit incursurum Data Anagn vii idus Septembris pontificatus nostri anno duodecimo