Charter Document - 03409266
| Charter Number: | 03409266 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Ordination |
| Date: | 1263 |
| Date type: | Assigned |
| Resource Link(s): |
Reference Document for this Embedded Document |
Charter:
In dei nomine Amen Nos Walterus dei gratia Sarr episcopus inter magistrum Osmundum de Edminston clericum actorem ex parte una et magistrum Ricardum de Sireburne canonicum Sarr reum ex altera super ecclesia de Thacham nostre dioecesis et super pensione seu prestatione annua ad abbatem et conventum de Rading de eadem ecclesia de Thacham in qua ius optinent patronatus pertinente partibus predictis et abbate ac conventu memorati ut superius est expressum nostre provisioni ordinationi et statuto se submittentibus providemus ordinamus et statuimus quod memoratus magister Ricardus quem ab impetitione predicti magistri O[smundum] quantum ad predictam ecclesiam per hanc ordinationem sententialiter absolvimus sit et maneat eiusdem ecclesie de Thacham suo perpetuo verus rector dicto magistro O[smundum] super dicta ecclesia perpetuum silentium imponentes salva predictis abbati et conventui ac eorum successoribus annua pensione seu prestatione viginti marcarum eis debita de eadem ecclesia de Thacham per ordinationem bone memorie Roberti de Bingham quondam Sarr episcopi salvoque predicto magistro Ricardo iure si quod sibi competat seu competere possit per quod de iure docere se aut ecclesiam suam predictam possit ad dicte pensionis seu prestationis solutionem predictis abbati et conventui faciendam in toto vel in parte non teneri proviso tamen quod idem magister Ricardum tam pro tempore preterito quam futuro dictis abbati et conventui plenaria satisfaciat donec contigerit ipsum et ecclesiam suam predictam a dicte pensionis seu prestationis solutione per iudicem competentem in parte vel in toto sententialiter absolvi Et quia magister O[smundum] predictus super predicta ecclesia eo quod ipsum quedam ius predicti magistri Ricardum contingentia latebant iustam causam litigandi habere videbatur ipsius et sumptibus prospicere volentes providemus ordinamus et statuimus quod predictus magister Ricardum predicto magistro O[smundum] pro suis expensis quas circa premissa fecit excusabili ductus ignorantia de quater viginti marcis sterlingorum satisfaciat Item quia magister predictus O[smundum] pro pace et tranquillitate ac ad instantiam dictorum abbatis et conventus dicte questioni cessit ac litteris apostolicis super hiis ex parte sua impetratis et impetrandis coram nobis renuntiavit expresse providemus ordinamus et statuimus quod predicti abbas et conventus sibi concedant de camera sua novem marcas annue pensionis donec per eos ei provisum fuerit in ecclesiastico beneficio competenti quod duxerit acceptandum reddita eis carta quam idem magister O[smundum] de ipsis habet de sexaginta solidis annuis ita tamen quod idem magister O[smundum] ratione predicte pensionis novem marcarum predictis abbati et conventui in suis agendis suum consilium prebeat requisitus et eis ut eorum clericus cum qua decet diligentia fideliter assistat