Charter Document - 03409211
| Charter Number: | 03409211 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1263 - 1268 |
| Date type: | Assigned |
| Resource Link(s): |
Reference Document for this Embedded Document |
Charter:
Omnibus Cristi fidelibus ad quos litere presentes pervenerint venerabilis patris domini Walteri episcopi Sar officialis salutem Auctoritate venerabilis patris domini Ottoboni sancti Adriani diaconi cardinalis nuper apostolice sedis legati necnon et episcopi supradicti religiosis viris abbate et conventu de Cirencestr patronis ecclesie de Wynterbom Monachorum ad certos diem et locum peremptorie citatis quod inquisitioni per nos vice predicti episcopi faciende super proventibus ad perpetuam ipsius ecclesie vicariam hactenus assignatis interessent et eorundem proventuum annuo veroque valore per vicinarum ecclesiarum rectores vicarios presbiteros parochiales necnon et per laicos ipsius ecclesie parochianos fidedignos et iuratos diligenter inquirentes invenimus quod ipsius vicarie proventus hactenus dumtaxat in una virgata terre in omnibus oblationbus et obventionibus altaris in mortuariis decimis croftarum et terrarum que iacent pro croftis et in omnibus minutis decimis parochie consistebant quorum omnium verus valor annuus sexaginta et decem solidos non excedit et ex quibus vicarius hactenus sustinuit cereos processionales panem vinum et thus ad ipsius ecclesie ministerium procurationem archidiaconi et onera sinodalia et omnia onera ordinaria Advertentes igitur quod eiusdem loci perpetuus vicarius ex huiusmodi proventibus comode sustentari et onera predicta supportare non posset auctoritate et vice predictorum legati et episcopi de predictorum etiam abbatis et conventus consensu expresso ad supletionem eorundem proventuum eiusdem loci vicario assignamus totam decimam cuiusdam terre que vocatur le Oldelonde et tria quarteria frumenti puri et mundi et duo quarteria ord[] perpetuis temporibus in festo sancti Michaelis de grangia predictorum abbatis et conventus apud Avebury ipso vicario singulis annis persolvenda