Charter Document - 03408373
| Charter Number: | 03408373 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1270 |
| Date type: | Internal, A.D., Feast |
| Resource Link(s): |
Reference Document for this Embedded Document Reference Document for this Embedded Document |
Charter:
Omnibus Cristi fidelibus ad quos presens scriptum pervenerit Hugo de la Penne rector ecclesie de Wamberge eternam salutem in domino Noverit universitas vestra quod cum nobilis mulier Emelina de Lacy comitissa Ulton pro se et heredibus suis duas acras terre arabilis et duos solid[atos] redditus assis[e] Waltero de Dunameneya vicario ecclesie de Wamberge et successoribus suis inperpetuum assignaverit in manerio suo de Wamberge pacifice possidendum pro oblacionibus offerendis in capella sua quam de novo construxit in manerio supradicto meique consensum super hoc postulaverint vicarius supradictus et E de Lacy memorata favere cupiens peticioni et desiderio utrorumque ad animarum periculum expellendum volo et concedo in quantum in me est quod dicta stet concessio Ita tamen quod ecclesia de Wamberge in nullo defraudetur nec quod eiusdem ecclesie parrochiani in supradicta capella ad aliqua admittantur ecclesiastica sacramenta In cuius rei testimonium presentibus sigillum meum apposui Dat apud Westm die veneris proxima ante festum sancte Margarete virginis anno domini millesimo ducentesimo septuagesimo