Charter Document - 03408287
| Charter Number: | 03408287 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1274 |
| Date type: | Internal, A.D., Calendar |
| Resource Link(s): |
Reference Document for this Embedded Document Reference Document for this Embedded Document |
Charter:
Omnibus Cristi fidelibus ad quos presens scriptum pervenerit Iuliana Bauceyne dei permissione abbatissa Sancti Edwardi Scheston et eiusdem loci conventus salutem eternam in domino Noveritis nos divine pietatis intuitu concessisse quod Willelmus Cosyn capellanus cum contingat eum viam universe carnis ingredi humetur in maiori ecclesia nostra Scheston iuxta altare sancte Anne et quod possit in eodem altari ad custum suum capellanos ad divina pro anima sua et anima nostra et animabus omnium fidelium defunctorum celebrando constituere in perpetuum Et idem Willelmus concessit pro se et omnibus capellanis in dicto altari pro anima sua et animabus omnium fidelium prout dictum est celebrantibus quod dicent quolibet die unam orationem specialem pro vita nostra in presenti et anima nostra in futuro et quod animam nostram specialiter reducent in memoriam in canone singularum missarum quas dicent ad dictum altare in perpetuum Et nos quantum in nobis est ad predictam cantariam faciendam et sustinendam per predictum Willelmum data concessa et concedenda ratificamus pro nobis et abbatissis nobis succedentibus In cuius rei testimonium presenti scripto sigilla nostra sunt appensa Datum apud Scheston in capitulo nostro xii kalendas Marcii anno domini MCC septuagesimo tertio