Charter Document - 03407373
| Charter Number: | 03407373 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1270 |
| Date type: | Internal, A.D., Feast |
| Resource Link(s): |
Reference Document for this Embedded Document Reference Document for this Embedded Document |
Charter:
Omnibus Cristi fidelibus ad quos presens scriptum pervenerit Walterus de Dunamenya vicarius perpetuus ecclesie de Wamberge eternam salutem in domino Noverit universitas vestra quod cum nobilis mulier Emelina de Lacy comitissa Ulton pro se et heredibus suis duas acras terre arabilis et duos solid[atos] redditus assis deo et altari beati Andree ecclesie de Wamberge et eiusdem ecclesie vicario perpetuo assignaverit inperpetuum in manerio suo de Wamberge pacifice possidendum pro oblacionibus et offerend[is] ad capellam suam quam de novo construxerit in manerio supradicto provenientibus vel in eadem accidentibus ego de consensu venerabilis patris nostri domini Walteri de la Wile tunc episcopi Sarr et domini Hugonis de la Penne tunc rectoris ecclesie de Wamberg et mea propria voluntate et spontanea concessi pro me et successoribus meis quod omnes oblaciones et offerende ad dictam capellam provenientes vel in eadem accidentes ibidem pacifice remaneant Ita quod nec ego nec aliqui successores mei de cetero nec aliqui pro nobis de dictis oblacionibus seu offerendis ullo tempore quicquam exigere poterimus set omnia predicta perpetuo capellano dicte capelle et suis successoribus solute integre et pacifice permaneant inperpetuum Ita tamen quod in supradicta capella parrochiani ecclesie beati Andree eiusdem ville ad aliqua non admittantur ecclesiastica sacramenta In cuius rei testimonium presentibus sigillum meum apposui Hiis testibus dominis Iohanne de la Lynde Waltero de la Lynde filio suo Philippo Lucien Willelmo de Forestall militibus Rogero le Graunt Iohanne filio Willelmi Roberto filio Roland Iohanne de la Cornire Stephano de Morthone Nicholao Stigant et aliis Datum apud Wamberge die martis proxima ante festum sancti Petri Advincula anno domini millesimo ducentesimo septuagesimo