Charter Document - 03406373
| Charter Number: | 03406373 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1273 |
| Date type: | Internal, A.D., Feast |
| Resource Link(s): |
Reference Document for this Embedded Document Reference Document for this Embedded Document |
Charter:
Universis Cristi fidelibus ad quos presens scriptum pervenerit Rogerus archidiaconus Wiltesir salutem in domino sempiternam Cum nobilis domina Emelina de Lacy comitissa Ulton zelo fidei et devocionis accensa capelle quam in honore beate virginis Katerine in curia sua de Wamberge construxit ad sustentacionem duorum capellanorum et simul in una domo commorancium decem libratas terre de manerio ipso in puram et perpetuam elemosinam assignaverit ab omni exaccione seculari et servicio liberas et quietas ut tanto liberius oracioni et divine contemplacioni vacare possint quanto maiori libertati donati fuerint et quieti nos cupientes voluntati et donacioni dicte domine salubriter concepte favere quatenus possumus sine dei offensa et iur[is] archidiaconal[is] preiudicio ad quod illibate observand[um] iuramenti religione simus astricti pro nobis et successoribus nostris domino nostro tunc Sarr electo et eiusdem loci capitulo approbantibus concedimus quod capellani in dicta capella deo famulantes ab omni onere exaccionis et procuracionis et alterius cuiuslibet nostre iurisdiccionis penitus sint exempti hoc salvo quod qui perpetuus fuerit rector in eadem pro tempore per dominum nostrum Sarr institutus post institucionem suam nobis seu successoribus nostris solum manualem prestet obedienciam Qui vero temporalis capellanus in eadem fuerit si de anno in annum amoveatur per eundem rectorem dicte capelle nobis seu successoribus nostris in capite anni presentabitur similiter sacramentum obediencie prestiturus Concedimus namque quantum ad archid[iaconum] pertinet quod postquam capellani ibidem deo servientes nobis semel fecerint et iuraverint obedienciam reservata nobis et successoribus nostris tam in personis ipsorum quam in aliis ibidem degentibus si forte deliquerint vel conveniantur in foro nostro vel convincantur correctione canonica que officium contingit archidiaconale ab omni onere procuracionis et cuiuslibet exaccionis que racione visitacionis vel iur[is] archidiaconal[is] dicte capelle debeatur aut in posterum deberi possit penitus sint inmunes In cuius rei testimonium et rei perpetue memoriam presenti scripto sigillum nostrum duximus apponendum Dat et act apud Sarr die sabbati proxima post festum sancti Iohannis ante portam Latinam anno gratie millesimo ducentesimo septuagesimo tercio