Charter Document - 03402450

In dei nomine Amen Ego Nicholaus Lungespee Sarr ecclesie minister humilis condo testamentum meum in hunc modum videlicet in manerio nostro apud Remmesbur in festo sancti Valentini martiris anno domini MCC nonogesimo quinto In primis lego animam deo creatori meo et corpus meum ad sepeliendum in maiori ecclesia Sarr coram altare beate Virginis ubi cantatur Salve ad pedem tumuli patris mei Item lego ad magnum altare duas pelves meas argenteas meliores et novum vestimentum meum pontificale cum toto apparatu diacono et subdiacono Item lego ducentas marcas ad emend[um] ducentos solidos annui redditus ad faciendum anniversarium meum et patris mei singulis annis inperpetuum et hoc fiat secundum ordinacionem decani capituli et executorum meorum Item lego cor meum ad sepeliendum in abbathia de Lacok et cum eo crucifixum meum argenteum ita quod infigatur in medio altaris quod situm est ibidem in choro monialium Item lego predicte abbathie duas pelves argenteas calicem meum una cum duabus fialis argenteis maioribus et aliis duabus minoribus argenteis cum pennar et unum anulum aureum saphiro ornatum et unum vasculum eneum ad aquam benedictam portandam ad cameram abbatisse Item lego ad infirmitorium ibidem tria paria ferrea ad waffas neulas et galettas faciend[as] Item lego predicte abbathie ducentas marcas sterlingorum sub hac forma videlicet quod abbatissa que pro tempore fuerit et conventus eiusdem loci duos capellanos perpetuos ibidem inveniant pro anima mea et parentum meorum et omnium fidelium perpetuo celebraturos ita quod si istud acceptent volo quod tempore solucionis dictarum ducentarum marcarum obligentur abbatissa et conventus per instrumentum sigillo communi roboratum ad istud fideliter observandum alioquin fiat de dictis ducentis marcis pro anima mea secundum quod executores mei melius viderint expedire Item lego domine Ele comitisse de Warrewik sorori mee unam copam deauratam Item lego domine Margarete de Lascy nepti mee comitisse Lincolnie unum picherium argenteum unam copam deauratam cum coopertulo quam dominus Robertus de Wichamton quondam episcopus Sarr m[ich]i legavit unum chiphum de nuce et ymaginem quam circa collum meum portare solebam unum ciphum argenteum speciebus assignatum quem ex dono ipsius habui et illud coclear quod ori meo deputabatur et duo coclear in medio nodata duo rocheta in quibus celebrare consuevi unam mappam unum manutergium quod habui de domina Eia matre mea Item lego domine Emeline Lungespee nepti mee unam copam argenteam de qua vinum potare consueveram Item lego priori et conventui de Henton decem marcas priori et conventui de Bradenestok decem marcas abbati et conventui de Abbodesbur decem marcas abbati et conventui de Schireburn decem marcas abbatisse et conventui de Schafton triginta marcas abbati et conventui Radingh viginti marcas priorisse et conventui de Bromhal decem marcas priorisse et conventui de Kynton decem marcas priori et conventui de Powghel decem marcas priori et conventui de Sandelford quinque marcas fratribus et sororibus hospitalis sancti Nicholai Sar decem marcas fratribus et sororibus de Maidenbradeleye decem marcas abbati et conventui de Cern decem marcas abbatisse et conventui Wilton decem marcas abbatisse et conventui de Tarent decem marcas preposito et capellanis sancti Edmundi Sarr decem marcas abbati et conventui de Midelton xl solidos item scolaribus de Valle scolarum Sar xl solidos priori et conventui de Mon[asterio] Oderoso xl solidos Item lego fratribus predicatoribus Sarr quinquaginta marcas ad fabricam ecclesie sue fratribus minoribus Sarr centum marcas ad fabricam ecclesie sue fratribus predicatoribus Cantuar viginti solidos fratribus minoribus ibidem viginti solidos predicatoribus Warrewik viginti solidos fratribus minoribus Coventrens viginti solidos Item lego fratribus minoribus Radingh xl solidos fratribus minoribus Dors xl solidos fratribus predicatoribus Exon xl solidos minoribus ibidem xl solidos item fratribus predicatoribus Oxon xl solidos minoribus ibidem xl solidos Item lego pauperibus parachianis apud Sutton xl solidos apud Taneworth xl solidos apud Lacok xl solidos apud Calne quinque marcas apud Yatesbur viginti solidos apud Fikelden xl solidos apud Alwardbur et Putton xl solidos apud Iwern et Henton sex marcas apud Henl xl solidos apud Gussich viginti solidos apud Wicham xl solidos apud Suthtauton xl solidos Item lego magistro Willelmo de Abindon archidiacono Wiltes unam copam argenteam domino Ricardo de Coleshull militi unam copam argenteam et viginti marcas pro servicio suo m[ich]i impenso magistro Ricardo de Sottewell canonico Sar unam copam argenteam et centum solidos domino Sthephano de Remmesbur unam copam argenteam et centum solidos domino Willelmo de Braybrok rectori ecclesie de Wittenham unam copam argenteam et centum solidos Nicholao de Ruddham centum solidos magistro Ricardo de Porstok centum solidos domino Ade vicario thes[aurari]i Sarr centum solidos domino Roberto de Iernemue vicario Sarr centum solidos domino Roberto vicario de Remmesbir octo marcas Item lego vicario meo in ecclesia Sar quinque marcas ita quod predicti Adam Robertus Robertus et vicarius meus predictus quilibet per se statim post decessum meum celebretur vel celebrari faciat unum annuale pro anima mea et pro animabus omnium fidelium Item lego novum missale meum ecclesie de Caln Lego melius portiforium meum domino Nicholao de Iarpenvile et viginti marcas Item lego missale meum vetus novum portiforium psalterium melius vestimentum capelle mee unam capam chori de serico una cum frontall[o] et palliis altaris ecclesie de Iwenfminstr Lego vestimentum quod habui ex dono magistri Walteri quondam sen[escalli] mei ecclesie de Henl una cum tropario meo Lego Thome filio Gilberti consanguineo meo decem marcas Nicholao filio Lamberti filiolo meo decretales meas Volo preterea quod illi pueri quos nunc exhibeo in scolis Oxon videlicet Nicholaum Iarpenvile Thomam filium Gilberti Nicholaum et Walterum filios Lamberti de bonis meis exhibeantur in scolis per annum integrum post decessum meum Item lego Iohanni de Herterigg sexaginta marcas decem boves sex vaccas ducentas oves et viginti porcos Item lego Lamberto camerario et alumpno meo centum libras sterlingorum sexdecim boves et sex vaccas ducentas oves et viginti porcos de melioribus bobus vaccis ovibus et porcis meis ubicumque existentibus Lego eidem Lamberto omnes discos et salsarios meos argenteos unum salerium argenteum duo magna et unum modicum picher[um] argent[eum] viginti et octo coclearia argentea unam copam argenteam octo ciphos piatos argenteos duos ciphos de macero cum pedibus et duos sine pedibus Lego eidem omnia vasa et utensilia mea enea et erea de camera et coquina et omnia vasa et utensilia lignea et metallina de panetrio meo boteleria pistrino et bracino Lego eidem omnes coffras de camera et garderoba mea una cum omnibus pertinentibus ad warderobam ut in pannis cavena et panniculis et rebus aliis diversis quibuscumque Item volo quod omnia ista predicto Lamberto legata statim post decessum meum eidem liberentur indilate antequam fiat aliqua execucio huius testamenti seu administracio Preterea volo quod dictus Lambertus exhibeatur de bonis meis per annum integrum in omnibus sibi necessariis post decessum meum Item lego cuilibet de armigeris meis decem marcas Lego Waltero carpentario decem marcas Iohanni le Ferur decem marcas Iohanni Drew decem marcas Iohanni Walwain centum solidos item singulis vallectis meis de officio vi marcas Lego subcamerario meo centum solidos cuilibet clerico capelle mee sex marcas Lego Roberto de Litleton decem marcas Item lego singulis garcionibus meis propriis quatuor marcas Item lego Lamberto alumpno meo totum atirum de meliori armatura mea ad corpus suum et ad equum cooperiendum Lego Iohanni de Herterigg armaturam pertinentem ad corpus suum et ad equum cooperiendum Lego domino Willelmo de Braybrok rectori ecclesie de Witham armaturam pertinentem ad corpus suum et ad equum cooperiendum Lego Willelmo de Barneuil armaturam pertinentem ad corpus suum et ad equum cooperiendum Et volo quod residuum armature mee distribuatur inter reliquos armigeros meos secundum disposicionem executorum meorum Quibus omnibus de familia mea prescripta ita lego et non aliter nisi in servicio meo usque ad obitum meum permanserint Ceterum volo quod omnia debita mea priusquam aliqua huius testamenti mei fiat administracio plenarie persolvantur exceptis legatis Lamberto alumpno meo que quidem volo quod eidem liberentur prout superius annotatum est Huius autem testamenti mei executores tales constituto primo videlicet magistrum Ricardum de Sottewell Sarr canonicum dominum Stephanum de Remmesbur ecclesie predicte succentorem dominum Willelmum de Braybrok rectorem ecclesie de Wittenham Iohannem de Herteriggh et Willelmum de Barnevile et eorum cuilibet lego centum solidos Ad consumpnacionem huius testamenti mei omnia bona mea mobilia et immobilia non legata vendantur Et si qua residua fuerint erogentur pro anima mea secundum quod executores mei melius viderint expedire Volo eciam quod istud testamentum meum quam cito plenarie fuerit executum apud Sarr in tesauria imperpetuum commendetur Ad huius enim rei evidenciam presenti testamento meo sigillum meum duxi apponendum et sigilla executorum meorum apponi procuravi ad memoriam futurorum Item lego fabrice ecclesie Sarr viginti libras Item Iohanni filio Willelmi de Barnevile et Margarete sorori sue procreatis de Alicia uxore dicti W viginti marcas Item lego domino Henrico vicario de Inglesham ad celebrandum unum annuale pro anima mea et omnium fidelium quinque marcas