Charter Document - 03401450
| Charter Number: | 03401450 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Will |
| Date: | 1296 |
| Date type: | Internal, A.D., Calendar, Feast |
| Resource Link(s): |
|
Charter:
Probatum est hoc testamentum et in forma iuris apertum coram domino Roberto dei gracia Cantuar archiepiscopo tocius Anglie primate et pro eodem testamento per ipsum archiepiscopum pronunciatum apud Chartham die mercurii proxima post festum Ascensionis domini videlicet iiii kalendas Iunii anno domini MCC nonagesimo septimo Et prestito iuramento a magistro Ricardo de Sottewelle dominis Stephano de Rammesbery Willelmo de Braybrok canonicis Sarr et Iohanne de Hertrugge executoribus in dicto testamento nominatis dictis die et loco presencia de faciendo fidele inventarium quamcicius potuerunt oportune de bonis dicti defuncti seu de hiis que fuerant in bonis eisdem et de fideliter administrando de bonis ipsis iuxta voluntatem ultimam testatoris cum eisdem executoribus ipsa administracio fuerit in forma iuris concessa ac eciam de fideli compoto coram dicto domino archiepiscopo vel alio quo ad id per ipsum archiepiscopum deputando de administracione predicta tempore competenti reddendo conceditur executoribus ipsis per dictum dominum archiepiscopum de sua gracia speciali hac vice ex causis certis et pro bonis dicti testatoris salvandis ut bona ad testamentum ipsum spectancia prout prefato defuncto expedire prospexerint statim vendant et pecuniam exinde redactam colligant et in eventum administracionis eisdem executoribus plenaria concedende tute reponant et congrue faciant custodiri Ita tamen quod hoc in aliis testamentis decetero ad consequenciam non trahatur et quod dicti executores de bonis eisdem ultra impensam funeris nichil solvant quousque facto et approbato inventario supradicto plena administracio executoribus ipsis de bonis huiusmodi sit concessa Probatum est eciam dictum testatorem in expressione sue ultime voluntatis coram testibus ad id convocatis expresse dixisse ac eciam precepisse quod si quid legatariis eiusdem testamenti post ipsius testamenti confectionem per testatorem eundem vel eius nomine prestitum fuerit aut solutum id in legatis ab ipsis legatariis al locetur ac eciam computetur et legata quo ad residuum si bona sufficiant persolvantur Et decretum est per dominum archiepiscopum quod sic fiat Hun Fer [] Testamentum domini Nicholai Longespee Sarr quondam episcopi