Charter Document - 03401029
| Charter Number: | 03401029 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1274 - 1286 |
| Date type: | Assigned |
| Resource Link(s): |
|
Charter:
Walterus miseratione divina [] dilecto filio R de C rectori ecclesie de T salutem et Memoriter tenemus et ex regesturo nostro comperimus quod dudum paulo post electionis nostre confirmationem et antequam essemus in episcopum consecrati cum per religiosos viros [] abbatem et conventum de T ad ecclesiam de P tunc vacantem esses nobis canonice presentatus nos attendentes quod de fructibus ecclesie predicte que secundum communem taxationem duas marcas non excedunt secundum persone tue conditiones et merita non poteras commode sustentari vicinitatem etiam earundem ecclesiarum que ultra duo miliare abinvicem non distant ut quasi simul et semel in utraque residere et utriusque curam personaliter exercere possis pariter cum exilitate pensantes ecclesiam ipsam de P tibi commendavimus et cum predicta ecclesia de T tuo perpetuo commendationis titulo possidendam concessimus de gratia speciali quam quidem commendam quantum in nobis est ratificantes in presenti quia super hoc literas nostras patentes prout asseris vel aliud autenticum testimonium tunc non reportasti precibus tuis inclinati huiusmodi veritatis testimonium perhibere volentes has literas nostras tibi concedimus ad memoriam futurorum Datum []