Charter Document - 03401028

Litera custodie propter defectum literature presentati W dei gratia [] dilecto filio [] archidiacono de B salutem [] Presentavit nobis dudum R de C laycus patronus ecclesie de B [R] clericum ad ecclesiam ipsam vacantem quem prout moris est et iur[is] examinare faceremus tantum et tam m[anifestu]m invenimus in eo literature defectum quod ipsius ecclesie curam salva conscientia sibi committere non potuimus licet mature etatis foret et vite ac conversationis honeste Misericordia tamen moti circa ipsum de alio providere nolimus ea vice set ipsius ecclesie et presentati custodiam certe persone commisimus ad tempus presentatum ipsum interim de fructibus ipsius ecclesie in scolis exhibere facientes et experiri volentes si in literature proficere et se habilem reddere vellet et posset ad curam Set quod nos pro ipsius commodo pia ac pura intentione fecimus deo teste seminatores cizannie qui omni opere bono invident ad infamiam nostri nominis perverse predicarunf erga plures quod hoc fecimus potius propter questum Licet igitur idem R quem sub virga doctorum qui ad ipsius informationem iugiter laborarunt aliquandiu tenuimus scolasticis disciplinis mancipatum non dum taliter profecerit ut ipsum ad ordinem seu curam dignum reputemus adhuc tamen experiri volentes an sub regimine proprio plus proficere possit quam sub alieno ecclesie ipsius custodiam sibi commisimus de gratia speciali donec ipsam duxerimus revocandam ita quod doctorem aliquem discretum quem sibi eliget per nos approbandum continuo secum habeat et in gramatica diligenter se excerceat ac in ecclesia ipsa personaliter residens eidem per ydoneos ministros faciat deserviri ut sibi pro tempore si se dignum reddiderit ipsius ecclesie curam committere possimus alioquin de alio ydonea persona provideri faciemus eidem Quo circa devotioni vestre mandamus quatinus eidem R liberam ipsius ecclesie custodiam salvis illis qui terras eiusdem hactenus de mandato nostro coluerunt sumptibus suis arbitrio nostro taxand habere permittatis in forma predicta Vos vero cure et custodie eiusdem R pariter et ecclesie superintendere volumus ne deterius se habeat si totaliter relinquatur sibi ipsi et ut per vos quomodo in scientia et moribus proficeat pro tempore certiorari valeamus Dat []