Charter Document - 03401026
| Charter Number: | 03401026 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Information |
| Date: | 1274 - 1286 |
| Date type: | Assigned |
| Resource Link(s): |
|
Charter:
Item alia Universis ad quos presentes litere pervenerint R miseratione divina Sar episcopus salutem [] Presentavit nobis religiosus vir prior de B patronus ecclesie de C nostre dyocesis dilectum W de G clericum minorem annis et in minoribus constitutum ordinibus ad ecclesiam ipsam per mortem I de B nuper rectoris eiusdem vacantem Unde licet presentationem eiusdem merito ut pote contra formam canonicam acceptam cum ecclesia ipsa parochialis sit et curam habeat animarum annexam reprobare potuissemus iustitia exigente contemplationem tamen domini nostri regis Angl[ie] illustris domine regine et aliorum magnatuum quorum preces et recommendationes pro ipso presentato recepimus nec non et propter spem boni quam de adholescantia sua concepimus de qua laudabile testimonium recepimus a fidedignis gratiam sibi volentes facere specialem ipsum ad ecclesiam quam taliter admisimus dispensatione quod eiusdem presentati et ecclesie predicte custodiam dilecto filio et familiari clerico nostro magistro I de B commissimus donec presentatus ipse ad legitimam etatem perveniens sacros ordines et institutionem in ecclesia ipsa promeruerit optinere ita quod interim ad sui sustentationem in studio de fructibus ipsius ecclesie per manus ipsius custodis predicti x marcas percipiat annuatim In cuius rei testimonium et ca Dat []