Charter Document - 03401022
| Charter Number: | 03401022 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1274 - 1286 |
| Date type: | Assigned |
| Resource Link(s): |
|
Charter:
Alia de eodem W dei gratia [] dilecto in Cristo A de B salutem [] Merita tue probitatis de quibus laudabile testimonium recepimus a fidedignis vel s[cientie] de quibus perfectorum experientiam a multis retroactis temporibus didicimus ac prudentia literature tue et morum honestas super quibus ab olim experti sumus nos inducunt ut personam tuam meritis exigentibus honorare debeamus Eapropter ecclesiam de B cum capellis et iuribus omnimodis eidem pertinentibus de dyocesi Sar que per contentionem super iure patronatus quod diversi sibi vendicant in curia regis et sibi competere asserunt in eisdem ac per mortem seu resignationem domini C de B olim in eadem rectoris in manus reverendi patris domini R quondam Sar episcopi canonice factam tanto tempore vacationis quod ad nos auctoritate concilii est ac vice collatio eiusdem devoluta tibi conferimus intuitu caritatis et te rectorem instituimus in eadem ita quod cure animarum ipsius intendas et onus tanquam rector ad dictam ecclesiam pertinens secundum canonicas sanctiones subeas et agnoscas In cuius rei testimonium presentes literas sigilli nostri inpressione munitas tibi fieri fecimus patentes Dat []