Charter Document - 03401020
| Charter Number: | 03401020 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1274 - 1286 |
| Date type: | Assigned |
| Resource Link(s): |
|
Charter:
Institutio alicuius post ordinem subdiaconatus susceptum qui prius habuit custodem W dei patientia [] dilecto filio E de C salutem gratiam et benedictionem Presentavit te dudum nobilis mulier domina A de G patrona ecclesie de B bone memorie R predecessori nostro ad ecclesiam ipsam tunc vacantem idemque predecessor propter defectum quem tunc patiebaris in ordinibus et etate ipsius ecclesie custodiam tibi commisit de gratia speciali certo nichilominus tibi et ecclesie ipsi custode deputato ac processu temporis te in scientia proficiente et etate ad titulum ipsius ecclesie te in subdiaconum ordinavit Nos igitur attendentes quod qui ad sacros ordines habilis reputatus est est habilis similiter et ydoneus censeri debet ad curam te hoc igitur cum iustitia petentem in ecclesia ipsa de B rectorem instituimus et curam animarum tibi committimus in eadem teque de ecclesia ipsa per pilleum nostrum investivimus volentes et concedentes quod ex nunc fructus et proventus eiusdem cum integritate percipies et cure ipsius diligenter intendas In cuius rei testimonium []