Charter Document - 03401011

Litera generalis ad excommunicandum generaliter pro delictis contra statuta commissis W dei gratia [] tali archidiacono salutem [] Ad reprimendam multorum malitiam que diversis modis inolevit ab antiquo salubriter est in Oxon concilio maioris excommunicationis sententia promulgata contra eos qui pacem et tranquillitatem regis et regni Angl[ie] et universalis ecclesie libertates et iura maliciose perturbaverint vel infringere contenderint et omnes illos qui gratia lucri odii vel amoris vel alia quacumque malitiose crimen inposuerint cum infamatus non fuerit apud bonos et graves ut sic saltem ei purgatio iudicatur vel alio modo gravetur Cum igitur ex officii nostri debito communis iur[is] et predicti concilii simus executor devotioni vestre mandamus quatinus in omnibus ecclesiis archidiaconatus vestri omnes illos qui iura domini nostri regis vel universalis ecclesie vestigiis etiam predecessorum nostrorum inherentes adicimus omnes illos qui iura et libertates ecclesie et cuiuscumque prebende Sar quomodolibet vel quibuscumque locis per malitiam invadere infringere vel perturbare presumpserint seu contenderint in maioris excommunicationis sententiam incidisse et excommunicatos esse per tres dies dominicos proximos seu festivos ca[ndelis] ac[censis] et cam[panis] pul[satis] denuntietis seu denuntiari faciatis Dat []