Charter Document - 03401002
| Charter Number: | 03401002 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Protection |
| Date: | 1274 - 1286 |
| Date type: | Assigned |
| Resource Link(s): |
|
Charter:
Walterus miseratione divina [] discretis viris conservatoribus privilegiorum religiosorum virorum priori et fratrum hospitalis Ierosolimitani in Anglia a sede apostolica deputatis vel eorum commissar[iis] quibuscumque ad quos presentes litere pervenerint salutem in salutis auctore Cum dominus papa in generali crucesignatorum privilegio ipso crucesignatos familias et bona eorundem sub beati Petri et sua protectione suscepit statuentes ut sub dyoecesanorum suorum defensione consistant eisdem nihilominus specialiter indulgendo quod per sedis apostolice literas vel legatorum ipsius extra suam dyoec[esim] nisi litere ipse plenam de induito huiusmodi mentionem fecerint non valeant conveniri dummodo parati existant coram suis ordinar[iis] de se querela antibus respondere quos per locorum ordinar[ios] ecclesiastica defendi censura precepit ab hiis qui eosdem contra indultum huiusmodi et protectionis sue tenorem premiserint temere molestare ac vos ad instantiam dictorum prioris et fratrum dilectum filium W de B nostre dyoecesis crucis caractere animo pariter et corpore insignitum qui dictis religiosis et aliis omnibus de se conqueri volentibus respondere et insuper parere paratum se offert coram nobis extra suam dyoec[esim] auctoritate literarum sedis apostolice que specialem de indulto predicto non faciunt mentionem ad remota prout asserit trahitis in causam discretionem vestram auctoritate predicta nobis in hac parte concessa monemus rogamus et ortamur in domino vobis nihilominus in virtute obedientie qua sedi apostolice tenemini firmiter iniungentes quatinus si est ita ab ipsius inquietatione et molestia proinde desistentes ipsum et conquerentes de eodem si hoc voluerint et petierint quibus plenum iustitie complementum si eis in aliquo obnoxius fuerit sumus exhibere parati ad nostrum remittatis exam[en] scituri quod si hec monita nostra contempseritis et mandata omittere non poterimus quin contra eos censura qua convenit asperius procedamus Et quid super hoc duxeritis faciend[um] per v[estras] pat[entes] li[teras] nos certificando rescribatis Datum []