Charter Document - 03400449
| Charter Number: | 03400449 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1296 |
| Date type: | Internal, A.D., Calendar |
| Resource Link(s): |
|
Charter:
Serenissime nobilitatis domino Edwardo filio excellentissimi principis domini Edwardi dei gratia regis Angl[ie] illustris domini Hibern[ie] et ducis Aquit[anie] Nicholaus permissione divina Sar ecclesie minister humilis salutem et semper in filio regis eterni honoris continuum incrementum Cum nos electionem factam de sorore Petronilla de Vallibus moniali conventualis ecclesie de Wilton nostre diocesis in abbatissam domus et ecclesie eiusdem cui auctoritate regia per literas patentes a prefato domino rege vobis specialiter attributa regium prestitistis assensum tanquam de persona ydonea canonice celebratam auctoritate diocesana duxerimus confirmandam hoc dominacioni vestre tenore presencium intimamus ut quod ad vos pertinet in hac parte virtute literarum predictarum faciatis et fieri precipere dignemini cum favore Valeat excellencia vestra per tempora longiora Dat in manerio nostro de Poterne ii non Augusti anno gratie millesimo CC nonogesimo sexto