Charter Document - 03400447
| Charter Number: | 03400447 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1293 |
| Date type: | Internal, A.D. |
| Resource Link(s): |
|
Charter:
[U]niversis sancte matris ecclesie filiis ad quos presentes litere pervenerint Nicholaus permissione divina Sar episcopus eternam in domino salutem Mortuorum memoria eo cunctis prestantior esse dinoscitur quo magis vivis cedit ad meritum et prestat suffragium resolutis De dei igitur omnipotentis misericordia gloriose virginis Marie genitricis eiusdem patrone nostre omniumque sanctorum meritis et intercessionibus confisi omnibus parochianis nostris et aliis quorum diocesani hanc nostram indulgentiam ratam habuerint de peccatis suis vere contritis penitentibus et confessis qui pro anima Iohannis de Clere quondam prioris prioratus de Suthwych Winton diocesis cuius corpus in capitulo dicti prioratus requiescit humatum necnon pro animabus omnium fidelium defunctorum orationem dominicam cum salutatione angelica dixerint pia mente quindecim dies de iniuncta sibi penitentia misericorditer in domino relaxamus In cuius rei testimonium sigillum nostrum presentibus duximus apponendum Dat apud Ramesbury xviii kln Februarii anno gratie MCC nonagesimo secundo