Charter Document - 03400443
| Charter Number: | 03400443 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1295 |
| Date type: | Internal, A.D., Calendar, Episcopal |
| Resource Link(s): |
|
Charter:
N dei gratia Sar episcopus dilectis filiis preposito ecclesie sancti Edmundi Sarr et eiusdem loci presbiteris salutem gratiam et benedictionem Quia registrum ecclesie sancti Edmundi predicte per bone memorie W de la Wyle predecessorem nostrum ordinatum super statu vestro in quibusdam patiebatur defectum ut plerisque videbatur ex quo contentiones et varia pericula quondam inter prepositum et capellanos eiusdem loci sepius oriebantur volentes huic periculo affectu paterno in quantum cum deo possumus obviare et vobis quietem imposterum preparare in supplementum eiusdem registri pro utilitate et honestate ecclesie predicte ac etiam vestra quedam duximus adicienda statuendo quod prepositus dicte ecclesie qui pro tempore fuerit quolibet anno semel reddat compotum sue administrationis coram uno quem nos et successores nostri decanus et capitulum Sarr sede vacante decreverimus seu decreverint ad hoc specialiter deputandum associatis sibi duobus ex collegio vestro communiter per vos ad hoc electis Et si aliquod residuum remanserit illud in archa communi secure reponatur in usus necessarios dicte domus cum id utilitas exegerit convertendos Item quod nullus de capellanis egrediatur septa sive claustrum eiusdem loci alicubi eundi nisi requisita licentia a preposito memorato vel eius locum tenente Item quod nullus per se egrediatur seu incedat nisi aliquis sociorum per dictum prepositum vel eius vicarium sibi associetur Et si urgente necessitate aliquem solum oporteat incedere revertatur expedito negotio propter quod egreditur absque mora Dat apud Remmesbur iii non Februarii anno domini Millesimo CC nonagesimo quarto et consecrationis nostre iii