Charter Document - 03400441
| Charter Number: | 03400441 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Settlement |
| Date: | 1294 |
| Date type: | Internal, A.D., Episcopal |
| Resource Link(s): |
|
Charter:
In dei nomine Amen Cum nuper orta fuisset dissencio inter venerabilem patrem dominum N dei gracia Saresbir episcopum ex parte una et archidiaconos in ecclesia sua Sar predicta super probacionibus testamentorum tam rectorum quam vicariorum decedencium in eadem diocesi ex altera demum communibus amicis et pacem zelantibus inter eos intervenientibus tam pars predicti venerabilis patris quam etiam pars predictorum archidiaconorum ordinacioni laudo et dicto decani et capituli Sar super predictis pure sponte et absolute post multa se unanimiter submiserunt Secedentibus igitur in partem predicto patre et archidiaconis predictis decano et canonicis in capitulo remanentibus ipsi utriusque partis et ipsius diocesis utilitate pensata in forma que sequitur inter partes predictas duxerunt ordinand[um] statuend[um] et perpetuo observand[um] Videlicet quod probaciones testamentorum rectorum decedencium in ipsa diocesi Sar ad dictum venerabilem patrem et suos successores et probaciones testamentorum vicariorum decedencium in dicta diocesi ad predictos archidiaconos suos et suos successores omni inpedimento cessante inperpetuum pertineant inconcusse proviso quod decano et dignitatibus necnon et canonicis ecclesie predicte ac commune nullum per hoc paretur preiudicium set suo iure sicut hactenus usi sunt utantur libere in futurum In cuius rei testimonium huic instrumento ad modum cyrographi confecto tam venerabilis patris predicti quam etiam archidiaconorum predictorum sigilla una cum sigillo capituli Sar alternatim sunt appensa Dat in capitulo Sar vi id Ianuarii anno domini millesimo ducentesimo nonagesimo tercio et pontificatus predicti venerabilis patris anno secundo