Charter Document - 03400436
| Charter Number: | 03400436 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1294 |
| Date type: | Internal, A.D., Calendar, Episcopal |
| Resource Link(s): |
|
Charter:
Universis sancte matris ecclesie filiis presentes literas inspecturis Nicholaus dei paciencia Sarr episcopus salutem in domino sempiternam Relaxacionis remedium eo debet facilius indulgeri quo magis indultum ad salutem proficit animarum De dei igitur misericordia gloriose virginis Marie matris sue omniumque sanctorum [meri]tis et precibus confidentes omnibus parochianis nostris et aliis quorum dioecesani hanc nostram indulgenciam ratam habuerint d[e] peccatis suis vere contritis penitentibus et confessis qui pro quiete anime bone memorie Laurentii de Hakebourn quondam Sarr canonici cuius corpus in ecclesia fratrum ordinis minorum Cantuar requiescit humatum et animarum omnium fidelium defunctorum oracionem dominicam cum salutacione angelica dixerint fida mente quadraginta dies de iniuncta sibi penitencia misericorditer in domino relaxamus indulgencias vero a venerabilibus fratribus et coepiscopis nostris hac occasione rite in posterum concedendas quantum ad nos attinet approbantes In cuius rei testimonium sigillum nostrum presentibus duximus apponendum Datum apud Sarr xiii kalendas Maii anno domini MCC nonagesimo quarto et consecrationis nostre tercio