Charter Document - 03400432
| Charter Number: | 03400432 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1295 |
| Date type: | Internal, A.D., Calendar |
| Resource Link(s): |
|
Charter:
Magnifico principi et domino reverendo domino Edwardo dei gratia regi Angl[ie] illustri domino Hibern[ie] et duci Aquit[anie] Nicholaus eiusdem permissione Sarr ecclesie minister humilis salutem et ad vota semper successus prosperos ac felices Quia Rogerus Osegod Willelmus le Prontesutor Willelmus Asscheleye de Bereford Ricardus Eunock de Chiverel Walterus Warde Robertus Pak de Melkesham Stephanus Tot iunior de Denna Willelmus Blundel Willelmus le Wolmangere Iohannes Boneton de Wermenistre Petrus Poterel Willelmus le Irmangere de Bradeford Willelmus de Bedeford de Wylton Nicholaus le Wanz faber et Iohannes le Fysshere de Kynngeston nostre dioecesis propter ipsorum multiplicatam contumaciam pariter et offensam manifestam auctoritate ordinaria excommunicacionis sentencia innodati per quadraginta dies et amplius in eadem sentencia claves ecclesie contempnentes animo indurato incorrigibiles permanserunt et ecclesia non habeat ultra quid faciat serenitatem vestram regiam rogamus humiliter et devote quatinus ad reprimendam eorundem rebellum maliciam seculare vestre potestatis brachium secundum regni vestri consuetudinem contra ipsos dignemini exercere ut quos timor dei a malo non revocat severitas saltem discipline coherceat temporalis Valeat et bene prosperetur vestra excellencia regia tempore diuturno Datum Lond kalendas Decembris anno gratie millesimo ducentesimo nonagesimo quinto