Charter Document - 03400431
| Charter Number: | 03400431 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1294 |
| Date type: | Internal, A.D., Calendar |
| Resource Link(s): |
|
Charter:
Excellentissimo principi domino Edwardo dei gratia illustri regi Angl[ie] domino Hibern[ie] et duci Aquit[anie] Nicholaus permissione divina Sarr ecclesie minister humilis salutem et prosperos ac felices ad vota successus Magestati regie tenore presencium innotescat quod Walterus le Frye de Somerford Parva et Willelmus le Plot de Swyndon nostre dioecesis propter suas multiplicatas contumacias maioris excommunicationis sententia auctoritate nostra ordinaria involuti eam per quadraginta dies et amplius sustinuerunt et adhuc sustinent animo indurato claves ecclesie contempnendo Unde cum ecclesia non habeat quid ultra faciat in hac parte celsitudini regie humiliter supplicamus quatinus super hoc fieri iubeat iusticie complementum ut quos dei timor a [malo] non revocat secularis potestas cohibeat a peccato Valeat excellencia vestra semper in Cristo [et Virgin]e gloriosa Datum London vi kalendas Octobris anno domini MCC nonagesimo quarto