Charter Document - 03400430
| Charter Number: | 03400430 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1294 |
| Date type: | Internal, A.D., Calendar |
| Resource Link(s): |
|
Charter:
Excellentissimo principi domino Edwardo dei gratia regi Angl[ie] illustri domino Hibern[ie] et duci Aquit[anie] N miseracione divina Sar ecclesie minister humilis salutem et ad vota successus prosperos ac felices Maiestati regie tenore presencium innotescat quod Margeria de Wycheford et Emma dicta le Pay nostre diocesis propter suas manifestas offensas maioris excommunicationis sentencia auctoritate ordinaria innodate eam per quadraginta dies et amplius sustinuerunt et adhuc sustinent animo indurato claves ecclesie dampnabiliter contempnendo Unde cum ecclesia non habeat quid ultra faciat in hac parte maiestatem vestram regiam humiliter requirimus et rogamus quatinus ad reprimendam ipsarum excommunicatarum maliciam secularis vestre potestatis brachium velitis contra ipsas secundum regni vestri consuetudinem excercere ut quas dei timor a malo non revocat severitas saltem discipline coherceat temporalis Valeat excellencia vestra semper in Cristo et Virgine gloriosa Dat apud Remmesbir iiii non Augusti anno domini MCC nonagesimo quarto