Charter Document - 03400426
| Charter Number: | 03400426 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1297 |
| Date type: | Internal, A.D. |
| Resource Link(s): |
|
Charter:
Excellentissimo principi domino Edwardo dei gratia regi Angl[ie] illustri domino Hibern[ie] et duci Aquit[anie] Nicholaus eiusdem permissione Sar episcopus salutem in eo per quem reges regnant et principes dominantur Cum vacante monasterio de Abbodesbur nostre diocesis per mortem Philippi ultimi abbatis eiusdem conventus loci illius petita primitus a serenitate vestra regia eligendi licencia pariter et optenta fratrem Willelmum de Kyngeston eiusdem monasterii priorem suum elegerunt in abbatem et vos electioni huius celsitudine vestre regie presentate assensum regium adhibueritis et favorem hoc nobis vestris literis patentibus significantes ut exequeremur quod nostrum fuerat in premissis nos electionem illam similiter et electi personam examinari fecimus diligenter et tandem electionem ipsam quam adeo in forma et materia viciosam invenimus multipliciter et pre[]em quod canonice non poterat confirmari cassavimus iusticia suadente ac iuxta devolutam ad nos hac occasione providendi ea vice ipsi monasterio de abbate legitime facultatem eidem monasterio de fratre Benedicto de Lodres loci eiusdem commonacho in abbatem ipsius monasterii canonice preficiendo auctoritate nostra diocesana iuxta officii nostri debitum duximus providend[um] Quocirca eundem fratrem Benedictum celsitudini vestre regie tenore presencium presentamus supplicantes humiliter et devote quatinus eidem fratri Benedicto ac nostre provisioni predicte assensum regium adhibere dignemini et favorem et ulterius pro persona eadem misericorditer agere ac etiam graciose in hiis que in premissis et circa premissa ad regiam pertinent dignitatem In quorum testimonium literas nostras sigilli nostri munimine roboratas vestre excellentie regie quam rex regum omnipotens per tempora longiora conservet mittimus has patentes Dat apud Remmesbur non Februarii anno domini millesimo CC nonogesimo sexto