Charter Document - 03400421
| Charter Number: | 03400421 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1290 |
| Date type: | Internal, A.D., Calendar, Episcopal |
| Resource Link(s): |
|
Charter:
Willelmus permissione divina episcopus Sarr dilectis in Cristo filiis venerabilibus viris dominis decano et capitulo eiusdem ecclesie salutem graciam et benedictionem Cum religiosi viri abbas Cyrencestr et eiusdem loci conventus Wygorniens[is] dioecesis advocacionem ecclesie seu capelle beate Marie de Cettre nostre dioecesis cum omnibus iuribus et pertinenciis suis vobis unanimi consensu et voluntate communi concesserint et assignaverint perpetuo vobis et vestris successoribus tenendam liberaliter et habendam et pensionem nihilominus centum solidorum quam de ecclesia seu capella predicta percipere consueverant necnon et quicquid iuris vel clamii in eadem capella cum suis iuribus et pertinenciis exigere vel habere poterant quoquo modo ita quod nichil omnino in eadem vendicare vel habere valeant in futurum in augmentum commune vestre convertenda contulerint prout in literis patentibus sigillo communi dictorum abbatis et conventus signatis plenius continetur nos prenominatus Willelmus donacionem advocacionis et pensionis predicte ecclesie seu capelle cum iuribus et pertinenciis suis de quibus supra fit mencio ac eciam translacionem eorundem in vos decanum et capitulum per dictos abbatem et conventum factas ratas habentes pariter et acceptas easdem auctoritate pontificali tenore presencium confirmamus salvo nobis et successoribus nostris et archidiacono loci qui nunc est et pro tempore fuerit iure in eadem capella seu ecclesia quomodo libet competenti In cuius rei testimonium sigillum nostrum presentibus est appensum Datum in manerio nostro de Poterne vi kalendas Septembris anno gratie MCC nonogesimo et consecracionis nostre anno secundo