Charter Document - 03400418
| Charter Number: | 03400418 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1289 |
| Date type: | Internal, A.D., Calendar, Episcopal |
| Resource Link(s): |
|
Charter:
Universis sancte matris ecclesie filiis presentes litteras inspecturis vel audituris Willelmus miseracione divina episcopus Sarr salutem et sinceram in domino caritatem Mortuorum memoria eo prestantior cunctis comprobatur quo magis vivis cedit ad meritum et prestat suffragium resolutis Ut igitur devotionem fidelium per allectiva indulgentiarum merita propensius excitemus ad orandum pro defunctis in fide nos de omnipotentis dei misericordia et gloriose Virginis matris sue beatorum apostolorum Petri et Pauli omniumque sanctorum meritis confidentes omnibus parrochianis nostris et aliis quorum dioecesani hanc nostram indulgentiam ratam habuerint de peccatis suis vere contritis penitentibus et confessis qui pro anima celebris memorie domini Willelmi Longa Spee comitis Sarr cuius corpus in ecclesia cathedrali Sarr requiescit humatum necnon pro animabus omnium fidelium qui ex hoc seculo transierunt orationem dominicam cum salutatione Virginis gloriose dixerint mente pie viginti dies de iniuncta sibi penitencia misericorditer relaxamus ratificantes nihilominus et confirmantes omnes indulgentias a quibuscumque episcopis catholicis in forma huiusmodi rite concessas et in posterum concedendas In cuius rei testimonium sigillum nostrum presentibus est appensum Datum apud Wodeford vi kalendas Octobris anno gratie MCCLXXX nono et consecrationis nostre anno primo