Charter Document - 03400416
| Charter Number: | 03400416 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1289 |
| Date type: | Internal, A.D., Calendar, Episcopal |
| Resource Link(s): |
|
Charter:
Omnibus Cristi fidelibus presentes litteras visuris vel audituris W miseratione divina Sarr episcopus salutem in domino sempiternam Deus omnipotens servos suos bene meritos in celo glorificat et in terra ad exemplum bene viventium miraculis gloriosis illustrat ut vitam eternam in patria et centuplum in via tribuat pro mercede nosque qui in parte solicitudinis nobis commisse vicem dei gerimus licet inmeriti vota fidelium tenemur attendere ut sanctorum merita et omnipotentis premia humili et devota mente cognoscant Ideo de omnipotentis dei et beatissime Virginis matris sue beatorum apostolorum Petri et Pauli omniumque sanctorum auctoritate et adiutorio confidentes omnibus parrochianis nostris et alienis quorum diocesani hanc nostram indulgentiam ratam habuerint qui tumulum sanctissime memorie domini Thome quondam Hereford episcopi in ecclesia Hereford peregrinando quesierint et de bonis suis fabrice ecclesie Hereford aliquid contulerint viginti dies indulgentie misericorditer concedimus et donamus In cuius rei testimonium sigillum nostrum presentibus est appensum Dat Herford xiii kl Augusti anno gratie millesimo ducentesimo octuag[esimo] nono et consecrationis nostre anno primo