Charter Document - 03400415
| Charter Number: | 03400415 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1289 |
| Date type: | Internal, A.D. |
| Resource Link(s): |
|
Charter:
Magnifico principi et domino reverendo domino Edwardo dei gratia illustri regi Angl[ie] domino Hybern[ie] et duci Aquit[anie] Willelmus miseracione divina Sarr ecclesie minister salutem et prosperos semper ac felices ad vota successus Quia quidam malefactores Iohannes le Frankeleyn et Ricardus frater eius parochiani prebendas ecclesie de Bleobur per dominum Lodewycum canonicum prebende de Bleobur in ecclesia Sarr auctoritate ordinaria procedent[em] pro eorundem offensa manifesta maioris excommunicacionis sententia innodati in eadem sententia per quadraginta dies et amplius claves ecclesie animo contempnentes indurato permanserunt incorrigibiles cum ecclesia ultra non habeat quid faciat serenitatem vestram rogamus quatinus ad reprimendum eorundem rebellium maliciam secularis vestre potestatis brachium secundum regni vestri consuetudinem contra ipsos exercere velitis ut quos timor dei a malo non revocat severitas saltem coherceat discipline temporalis Valeat et bene prosperetur excellencia vestra semper in domino Datum apud Sunnynng quinto idus Iunii anno domini MCCLXX oct[ogesimo] nono et consecrationis nostre anno primo