Charter Document - 03400414

Venerande discrecionis viro domino et amico fideli domino ecclesie Cristi Cant priori Willelmus dei gratia ecclesie Sarr minister humilis salutem et quicquid potest obsequii et honoris Ecce amice et domine reverende post infirmitates varias et languores die dominica proxima post Ascensionem dominicam saltem in sanitatis latitudine benedictus omnipotens constituti ad locum vicinum Paris[ius] pervenimus ubi mandatum regium nos expectare oportet et iuxta ipsius voluntatem ut credimus moram in partibus Francie trahere ali qualem et ex inde disponente altissimo in Angliam absque alio progressu redibimus vestram desideratam faciem conspecturi Ad hec dilectionem vestram voluimus non latere quod reges Francie et Castelle egregii nuper in civitate Baienensi personaliter convenerunt sibi ad invicem in estimabili ut videbatur cordis affectione et gaudio occurrentes in quo loco per sex dies et amplius parlamentum suum sollempniter invicem celebrarunt et mox alter alteri prestando commeatum in magna iocunditate et gaudio de loco prehabito recesserunt Reges vero tam Cicilie quam Arragonu[m] personale habuerunt colloquium et secretum et diutinum seorsum tractatum apud locum nominatum Iunchere et celebrato vicissim colloquio inter ipsos unus ab alio et familia pariter utriusque iocundo vultu et illari facie de loco prehabito discesserunt ita quod apud non nullos predicatur et vehementer presumitur quod facta fuerit vel in brevi fiat pacis reformacio inter eos Si aliqua apud nos volueritis que sumus quod fiducialiter de mandetis Adaugeat dominus statum vestrum per tempora longiora Datum apud Castrum Laudum in vigilia Ascensionis domini