Charter Document - 03400411
| Charter Number: | 03400411 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Letter |
| Date: | 1288 - 1289 |
| Date type: | Assigned |
| Resource Link(s): |
|
Charter:
Reverendo in Cristo patri et domino speciali Henricus dei gratia priori ecclesie Cristi Cant clericus suus humilis et devotus Willelmus de la Corner eadem gratia electus Sarr salutem et quicquid potest reverencie vel honoris Ex illa speciali fiducia quam in vestram personam congessi a multis retro temporibus prout vestram prudenciam estimo non latere dilectionem vestram totis nisibus duxi rogandam quatinus iuxta formam precum vobis et vestro conventui directarum ex parte venerabilis in Cristo patris domini archiepiscopi Cant et iuxta formam mee petitionis alias vobis porrecte in presenti articulo pro tenore spei a vobis aliquotiens m[ich]i date locum consecrationis mee future domino concedente in ecclesia Sarr quantum in vobis est concedere et conventum vestrum ut etiam ipsi benigne consentiant inducere dignemini cum effectu tantum si placet ad precum mearum instanciam facientes ut dilectionem vestram atque diligentiam plenis atque perpetuis prosequi tenear actionibus gratiarum Conservet vos deus ecclesie sue sancte per tempora longiora