Charter Document - 03400410
| Charter Number: | 03400410 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1291 |
| Date type: | Internal, A.D. |
| Resource Link(s): |
|
Charter:
Magnifico principi et domino reverendo domino Edwardo dei gratia regi Angl[ie] illustri domino Hibern[ie] et duci Aquitann[ie] Willelmus eadem gratia Sarr ecclesie minister humilis salutem et successus semper ad vota prosperos ac felices Litteras vestre serenitatis patentes nuper nobis deferente domina Isabella de Sonnyngg moniali de Bromhale ipsius monasterii electa expressius continentes quod assensum regium electioni facte de ipsa in priorissam dicti monasterii adhibuistis pariter et favorem nos dictam electionem et electe personam diligenter examinantes ipsam ad confirmacionis gratiam duximus admittend[am] quod vestre dominacionis magnificencie nostris hiis literis patentibus intimamus Valeat et bene prosperetur excellencia vestra in domino per tempora diuturna Datum apud Sunnynng tercio nonas Iunii anno domini millesimo ducentesimo nonagesimo primo